Ayiti

Yè pou jan ou te bèl
Yo te rele ou Pèl Dè Zanti
Tankou yon ti zanj ki sot nan syèl
Tankou yon ti flè kap boujonnen
Tankou yon ti demwazèl
Ou te pi bèl kreyati la nati

Ke yon moun te ka admire
Ke yon moun te ka renmen
Nan mòn kou lavil
Nan plènn kou nan vale
Se te bèl pyebwa
Ti zwazo kap chante, taye banda
Dlo sous yo fre!
Sab lanmè klere
Pechè ap peche nan yon lanmè tou ble

Men jodia, anpil bagay ale
Anpil bèl moman moun te konn pase
Dlo brote yo ale
Pitit ou grangou
Yo bije koupe pyebwa pou fè chabon dife
Sous ou yo finn seche
Se dezolasyon tout kote
Se rèl anmwe
Nap mande ki kote sa ap rive

Men nou konnen
Tèt ki konn mete chapo
Se li l'ap toujou mete
Ou se rozo pliye
Janmen kase
Ou se fanm vanyan, manman libète
Men-m si se yon ti rès ki rete
Nan sa yo finn souse
Zetwal ou nan syèl Bondye
Ap toujou klere