Pouki?

Pouki se ou mwen renmen
Pouki se ou sèl mwen konnen
Pouki se ak ou menm sèl mwen santi-m byen
Pouki se bò kote ou sèl mwen ta pwomennen
Fè lago kache men nan men

Pouki se ou mwen vle
Pouki se ak ou mwen vle rete
Pouki se ak ou nwit e jou ma-p panse
Pouki lè ma-p dòmi se ou mwen reve

Pouki? wi ma-p mande pouki?
Pouki ou pa avanse pi pre-m
Pouki ou pa voye je gade-m
Pouki ou pa rele-m
Pouki ou pa vle-m

Yon ti van soufle
M leve tèt mwen m- gade
M pran respire-l
Fè-l anvayi tout nan-m mwen
Fè-l plen tout ven-n ki gen nan kòm
E m pran panse ak ou
Mmmmmm pouki se pa menm santiman sa nou pataje
Pouki se konsa ou ye
Pouki se ou- m anvi
Pouki se ou- m chwazi
Ma-p mande pouki?